開着顏色光管

話說呢間浴室開喺南崗區嘅住宅大廈內，一二樓都係租出去做生意，樓上就係民居，而呢間浴室就係開喺一樓，大廈嘅出入位，正係浴室門口，本來一直相安無事，但最近有民眾發現浴室喺門口藏有攝像鏡頭，對住走廊，有侵犯私隱之嫌，於是搵媒體求助，記者去到現場發現攝像鏡頭，而且聽啲街坊講，呢間浴室並唔簡單，佢哋喺門口貼上「暫時不接待女賓」嘅字樣。

即係呢間浴室以前係接待男女賓嘅，但現在只接待男賓，而且一到夜晚，就會開着有顏色嘅光管，從店內透出，充滿神秘感，此外，更有熱心街坊向記者報料，話每晚都有好多年輕女士出入，明明唔接待女賓，啲年輕女士入去浴室又做乜嘢呢？

拆錄像鏡頭了事

由於太多可疑，於是記者就通知有關方面，有關方面亦好快派人到場，記者於是原原本本將所見所聞告之負責嘅人員，之後待浴室嘅負責人出現，大夥兒進入浴室查察，由於當時係喺早上，所以浴室裏面顏色光管燈同埋年輕女士一樣都冇。

有關人員問負責人做乜安裝閉路電視喺門口？對方稱係保安理由，有關人員勸喻對方拆除後就收隊走人，記者追問事情是否就咁解決？有關人員就話居民係為咗錄像鏡頭投訴，現在已勸喻佢哋拆除，問題已經解決，記者當時激到「啤」一聲，事後浴室真係拆咗個錄像鏡頭，居民唔再投訴，但有關方面竟畀呢間疑似色情浴室繼續經營，記者要查出真相，睇嚟要等下一個機會啦！

撰文：小德