25/12/2009

播放本新聞相關短片

生活定格:找G點不如換地點

今日介紹一本好好用又好好玩嘅書畀大家,呢本書嘅書名叫做《找G點不如換地點》,作者係兩個外國人,佢哋一男一女,係咪夫妻就冇寫清楚,但就出過一本教大家「打手槍」嘅書,反應唔錯,最近又有新作,就係教大家衝出家門享受性愛。好多人進行性行為,永遠都會匿喺自己嘅睡房入面,久而久之就會冇晒快感,就算起勢尋找G點或者食補藥補身都冇用,所以作者話:「喺床不如喺車」,「回家裏不如在這裏」,鼓勵大家易地而做,咁就會再次享受到高潮反應或者留下深刻印象。

而呢本工具書喺頭幾頁介紹換地方進行性交嘅好處之後,就馬上教大家如何尋找性交地點,細數咗一百零一個地點,當然有好多都喺自己屋企內面,例如改喺浴室、廚房、同埋車房進行,但最搞嘢就係喺冇鎖嘅大門口做,感受隨時有人返嚟嘅壓力。除咗作者諗出嚟嘅「戰場」之外,書裏面仲做咗十幾頁簡表,等大家對自行開發嘅場地進行調查同研究,包括風險評估、進退時間、進行嘅位置圖同埋特別裝備等,最後仲有用家評分、評語,同埋推唔推薦下次再嚟,係咪聽見都覺得好好玩呢!

書名:《找G點不如換地點》

出版社:高寶國際(台灣)

售價:台幣220元(約港幣60元)

撰文:小德