問：早排喺老友嘅帶路下，就返咗內地嘅髮廊揀女。帶返酒店曳曳，點知入正題時，囡囡突然除咗我個套，就咁喺冇雨衣嘅保護下，進行激戰！初時都覺得冇問題，但老友卻話髮廊妹好多都有病。返到香港即刻檢驗，發覺冇事，但個心仍然籮籮攣，唔知會唔會有機會賴嘢呢？
答：不論髮廊囡囡，定係夜總會囡囡，由於佢哋經常同唔同嘅客人有性接觸，就算冇愛滋，有其他性病都唔出奇，尤其係好似你遇到呢啲咁主動話唔使戴套嘅囡囡，就更加需要小心。不過既然你唔除都除咗，依家至嚟後悔都冇辦法，都係去檢查吓安全啲，但你要知道，愛滋嘅潛伏期有兩個禮拜到十二個禮拜咁長。換言之，你即刻檢查係冇用嘅，如果想知道結果嘅話，就要喺兩個禮拜之後至檢驗，然後不斷驗，直到十二個禮拜後，先至知有冇中招。故此奉勸大家玩時玩，最緊要玩得安全，喺呢度惟有祝你好運啦！
撰文：阿豪