追魂短訊

據了解，深圳福田區一帶嘅酒吧及的士高，同樣係港人喜愛嘅玩樂之地，原因離不開消費便宜，而且女仔零舍多，唔少人更認為內地女仔好玩又「易溝」，唔似得香港蒲妹咁高竇。不過，有資深蒲友提醒大家，喺內地夜店同女仔玩得高興時，仍要保持清醒，以免墮入色情陷阱。

當中要注意嘅事項，好似與女仔初相識時，好多人都會主動同對方交換電話號碼，此舉乃大忌之一。雖然交換電話號碼好正常，但係大家有冇諗過，若然對方無時無刻都聯絡你嘅話，到時會有乜嘢事情發生呢？蒲友阿健就話：「曾經聽過一位朋友講，喺內地的士高溝咗個女仔，雙方不時玩情慾短訊，最初一日兩、三次，以為好過癮，點知過咗一個禮拜，就增加至二、三十次，更不時要求再次見面，令朋友感到非常困擾。」

擺明屈錢

除咗追魂短訊之外，最令港男感到頭痛就係一啲難纏又貪心嘅蒲妹。阿健續話：「無可否認，內地女仔確實好易獲得港男歡心，事關佢哋喺床上面夠晒聽話，甚少扭扭擰擰，之不過大家咪以為可以玩完就撇、冇手尾跟。好似有位老友早排喺內地識咗個妹妹仔，兩人經常相約落D跳舞，但自從發生肉體關係之後，女方就要求佢畀錢包養，每月五千，老友唔肯，諗住以後唔同佢聯絡就冇事，點知事隔兩個月，女方突然打電話畀佢，仲喊晒口話有咗，更威脅冇錢畀就告佢，結果老友迫於無奈就範。」或者大家認為自己夠精明，呢啲事情唔會發生喺自己身上，之不過當你身處其中，到時就唔同講法，所以北上識女時，真係要打醒十二分精神呀！

撰文：娟娟