早前遇上一位女性朋友，佢話跟男友同居數月，雖然性生活都算愉快，但每次做愛嗰陣，男友都堅持做主導。其實呢方面關乎於個人性愛習慣，只要多作溝通，問題冇話唔可以解決。此外，於玄學角度嚟講，其實可以透過面相分析出對方是否一個床上領袖，以下資料，大家不妨參考一下。
地閣有肉 領導力強
要知道一個人有冇領導才能，可以睇吓佢嘅奴僕宮（又稱朋友宮），即整個下顎地閣部位，亦即下巴左右面頰、兩腮內側嘅部分。奴僕宮有肉且飽滿，表示領導能力強，屬下多；同時亦表示呢個人性格溫和，為人忠厚誠實，以善待人，老年運亦比較佳。
此外，奴僕宮夠圓夠豐滿，性生活會比其他人愉快得多，更係天生一個床上領導者，喜愛主宰整個做愛流程，無論係推進嘅快慢速度或採用乜嘢性愛姿勢，都由佢話晒事，伴侶只有百分百服從，否則就會惹起不滿。
兩腮無肉 宜多溝通
若然兩腮尖削無肉嘅話，即代表冇乜主見，疑神疑鬼，無法相信他人。而喺床上面，呢類人嘅表現被動，只懂得等待對手嘅指示，而且甚少會向伴侶提出自己嘅性想法，長此下去，有可能將性事變得了無生趣，甚至影響兩人關係。
雖然相貌係天生而冇得改變，但想解決問題，都唔係冇辦法。其實只要雙方多作溝通，懂得互相遷就忍讓就冇問題。
撰文：娟娟