問：本人因工作關係近年經常要去夜總會應酬，但本人對搵小姐出街興趣不大，當啲囡囡問我去唔去街，我都會老實回答，但之後佢哋就會多多原因要求早啲走人，由於我啲客都未走，我又唔可以放啲囡囡走呢，其實唔同囡囡出街，有冇規定幾點放人嘅呢？
答：囡囡收得你嘅小費，就要等到客人離開至走得，呢個就係唯一嘅規矩，如果小姐中途要走人，客人可以一個仙都唔畀佢，當然人心肉做，如果個囡囡好言好語，真係有緊要事嘅，你可以早少少派彩，等佢走人，但客人絕對有權唔畀佢早走。
如果有啲囡囡因為你唔畀佢走就面黑黑，建議你立即搵媽咪處理，媽咪自會搞掂，當然玩到投訴，自然要媽咪換埋囡囡最好，如果囡囡照問你要小費，你就將小費交媽咪處理，總之要佢搵個囡囡陪你坐到埋單為止，記住唔需要自己勞氣。
撰文：小德