拜掃黃所賜

今次掃黃，前後歷時個幾月，喺呢個幾月之內，好多夜總會都冇開工，有啲開工嘅夜場，都只係提供小量嘅囡囡，着晒晚裝咁陪客，至於其他囡囡，就叫佢哋暫時唔好開工，於是個個只有喺屋企等運到，大家都知做小姐，手停就口停，幾日冇工開，就已經冇飯開咁滯，何況今次掃黃，冇講一個時間，所以啲囡囡走又唔係，留又唔係，總之搞到十分之徬徨。

一啲有姿色或者有手段嘅紅牌囡囡，都會有啲積蓄，而且老闆一大堆，今日搵老總食飯，聽日約老闆見面，都可以頂到一段日子，但一啲樣子普通又冇恩客喺手嘅囡囡，平時都係靠坐枱費維生，喺咁嘅日子，佢哋自然就會十分坎坷，三餐不繼。

唔係賺好多

於是好多囡囡都向公司借糧度日，據東莞一間夜總會嘅媽咪小徐透露，單喺佢公司啲囡囡，就有六成人問公司借糧，有啲仲借咗唔少錢添，大家咪以為借糧唔使還，家陣風聲冇咁緊，呢班「重數組」，立即畀公司召晒返去，全部要剝光豬待客。

所以點解突然咁多囡囡肯做「光豬坐枱」，原來就係咁嘅原因，大家咪以為剝光豬坐枱好好搵，其實只係收貴一百幾十，有啲場二百五十蚊就有交易，比平時收多五十蚊咋，但都要啲囡囡做，無他嘅，老總想盡快做旺個場，到時客人多，自然生意不缺，於是惟有要呢班「重數組」犧牲吓，家陣天寒地凍，要人哋光豬待客，都幾惡啃吓！大家真係要畀多啲溫暖人哋呀！

撰文：小德