好多靚女都喜歡發白日夢，最多就係希望自己做到明星歌星，再唔係就係遇上白馬王子，亦有唔少係減肥成功，但今日要介紹嘅靚女，佢都同其他少女一樣，最愛發白日夢，但希望嘅嘢就好唔同，佢話：「我最希望做人嫲嫲，兒孫滿堂。」
弄孫為樂
呢位夢想咁奇怪嘅靚女，就係嚟自利×夜總會嘅想想，佢今年二十歲，身形高挑，成個模特兒咁樣，而且天生一副明星相，唔做明星認真嘥料，所以一見面就問佢有冇諗過做明星歌星？點知佢話：「我咁大個女，諗都冇諗過，我只希望做嫲嫲。」
原來想想自細由嫲嫲帶大，所以覺得嫲嫲最好，童年夢想就係希望自己快啲長大成人，之後就做人嫲嫲，但做人嫲嫲，要結婚生仔，想想打算咁早就結婚咩？想想話：「我今年都二十歲，要嫁人都係時候，我真係唔明白啲朋友，成日話要廿七八歲至結婚，咁遲至嫁人，咪要成五十歲至做到人嫲嫲，到時想同啲孫仔孫女玩都有心冇力啦！」睇嚟想想真係好恨快啲嫁出去喎！
速成嫲嫲
其實想想可以嫁一個上年紀嘅男人，最好係已經有仔有孫，咁咪可以速成做人嫲嫲囉！想想諗咗一諗拍手話：「點解我冇諗過呢？呢招真係唔錯喎！但我怕啲上咗年紀嘅男人，會嫌我太細唔鍾意我喎！」真係講笑，想想咁靚，邊有男人會唔喜歡呀！
再問阿女最想同啲孫仔玩乜嘢？佢話：「梗係騎牛牛啦！事關我細個就係成日騎大人嘅牛牛，所以我相信自己啲孫仔孫女都一樣會喜歡。」最後問佢有冇意中人？佢話暫時未有，咁問佢有乜嘢要求？佢話要對佢好，能夠養得起個家嘅就可以，咁要睇想想幾大使至得，最怕一個月幾萬蚊家用都唔夠使，想想話：「我唔會亂花錢嘅，呢層大可放心。」咁賢妻良母，大家不妨諗諗。
想想小檔案
年齡：20歲
三圍：34、24、34
興趣：做嫲嫲
撰文：小德