自立門戶

喺廣州一間職校畢業嘅阿美話：「化妝美容係我嘅興趣，所以我喺學校選修有關美容技巧課程，而畢業後就喺美容院工作。但老實講，工作一啲都唔愉快，一來資深美容師唔會教我太多東西，二來工資太低，根本不足以維持生活開支。」後來，阿美喺網上發現不少網友自立門戶提供上門美容服務，佢認為既可慳回租金，兼且彈性較大，於是就決定辭工出外闖！

同一時間，阿美亦開始印製宣傳單張及卡片，投寄去住宅區信箱：「起初生意只係一般，雖然累積到一班熟客，但收入太唔穩定，我一定要諗辦法增多啲客源！」其後，阿美又上網宣傳，發現不少「美容師」會到男士夜遊討論區留言，阿美都估計到呢類必定含色情成分，但為咗搵食，都要博一博，希望從中搵到一啲正經又想做Facial嘅男客！

金錢誘惑

留言一日，阿美就收到大量網友回覆，對方大多要求阿美送上近照，阿美照做，兩日後真係有柯打：「光顧我嘅係一個四十多歲嘅中坑，我一邊替佢做Facial，佢一邊同我傾偈，其後了解到對方係一個失婚男士，仲話自己好耐冇性生活！初時我覺得好尷尬，但對方接住話如果我願意，可以畀二千元我，只要我替佢手淫就可以！」阿美開始咗第一次後，就發現男士美容錢相當易賺，不過阿美話暫時只會替人客手淫，而阿美就知道有不少同行有提供賣淫服務：「其實呢行大有作為，因為不少男士都不願出去滾，情願叫外賣回來，尤其是一啲有頭有面嘅男士，假如佢哋畀得起錢，要我賣肉都無所謂，事關我嘅目標係盡快搵到錢，然後自己開美容院！」

撰文：祖