出腳亂踢

其實「金蹴」喺日本M男風俗店存在咗一段日子，但到近年先至開始漸漸受到歡迎。所謂「金蹴」當中嘅「金」，即指男性嘅睾丸，而「蹴」即係踢咁解，兩者加埋一齊，解作踢睾丸！對於大部分嘅男士嚟講，呢種玩法只會換嚟極大嘅痛楚，但對M男嚟講，卻可以畀到佢哋極大嘅快感，甚至有M男覺得單對單玩「踢波子」都未夠過癮，每次去玩都要搵兩個或以上嘅風俗娘亂踢。對於非好此道嘅玩家嚟講，真係好難明白箇中樂趣。

揀選靚鞋

為咗讓被踢嘅M男更加興奮，呢啲M男風俗店亦會提供揀鞋嘅服務。M男入到風俗店，揀選心水靚鞋，跟住由風俗娘穿上，踢起嚟更加過癮！雖然話呢種玩法，以踢嚟換取快感，但為咗讓好此道嘅玩家，能夠提升官能刺激，呢啲風俗店內嘅風俗娘，更會以唔同嘅扮相出場，例如水手服、OL套裝、泳衣等，務求玩家玩得更加開心外，更能凸顯風俗娘出眾嘅身材，增加視覺享受！

高超腳法

可能有人以為，呢種亂踢嘅玩法，萬一風俗娘玩得性起，一個唔覺意用力過度嘅話，可能會踢傷玩家。其實提供呢種玩法嘅風俗娘，都經過專門嘅訓練，出腳嘅時候，識得調節力度，務求讓M男有痛感之餘，又唔會踢傷對方嘅重要部位。此外，呢種玩法亦唔係真係勁踢，只係輕輕地用腳觸碰M男嘅重要部位而已。話雖如此，但有風俗店嘅負責人表示，就算係經驗老到嘅風俗娘，都有出錯嘅機會，故此玩家喺玩之前都會先簽下同意書，表示願意自行承擔呢種玩法所帶嚟嘅風險。

撰文：阿豪