擦鞋中女

家陣香港擦鞋檔口一般都集中於中環一帶，皆因中環咁多白領階級，唔擦靚對高級皮鞋又點見人呢？然而，擦鞋呢個行業愈來愈少人入行，原因係一班後生仔唔肯捱苦，亦唔想畀人見到自己幫人擦鞋啦！所以，擦鞋檔絕大部分都係由叔叔伯伯開。不過喺內地，擦鞋檔口就反而愈來愈多，事關內地經濟起飛，唔少人都已經進身為上等人，返工總要着到西裝骨骨兼配埋一對鏡面皮鞋，所以對擦鞋檔嘅需求日益增加。最近有消息指出，四川文廟廣場一帶，出現唔少中年女人主理嘅擦鞋檔，每逢見到中年阿叔，就會熱情招呼，仲好風騷咁捉實對方隻手，意圖吸引對方幫襯，當中梗係有蠱惑啦！

動作猥褻

中女擦鞋檔一般都係開設於文廟廣場對出嘅大街，架生只有兩張矮櫈仔同埋一個擦鞋箱，裝備非常簡單。平時冇生意嘅時候，中女就坐定定四圍望，一見到目標阿叔出現，即刻起身會向對方招手，仲話：「來擦鞋囉！服務保證你滿意！」阿叔問價之後，雙方出奇地唔會坐低，反而拎住兩張矮櫈仔，同客人急急腳去到一個僻靜嘅掘頭巷入面坐好。之後，中女就慢慢幫客人擦鞋。但係，好奇怪，中女雙手愈擦就愈上，摸摸吓仲去到客人嘅褲襠上面，幫客人拉開褲鏈！由於客人背向街口，所以途人望入去，只會見到中女身體微微搖晃，睇落的確好似幫人擦緊鞋。然而，事實上中女正提供手作仔服務！光天化日之下都咁大膽，真係令人髮指呀！

撰文：賢