冇雷信：我有一個拍拖四年嘅女友，但佢一直唔肯同我有再進一步嘅關係，特別係同佢去旅行同床瞓覺，真係好辛苦，我應該同佢分手，定係繼續忍耐落去呢？
p高佬仔：梗係換咗佢啦！食咗四年齋，仲想食落去咩？做人做得你咁辛苦，仲有乜嘢人生意義呀？搵過個可以同你一齊享受性生活嘅囡囡，做個開心快活人啦！
小雲：你有冇問過佢點解呀？會唔會要等到你同佢結婚至肯同你行埋呢？定係佢有乜嘢心理障礙？不如同佢溝通吓，有問題就搵專家解決，分手並唔係最好嘅方法。
日本妹：你哋啲男人心裏面只有性，一唔同你做愛，就話人哋有問題，你有冇檢討一下自己，值唔值得女友將貞操交畀你先？如果唔值得嘅，咁你仲怪得邊個？