話說早排同班老友北上夜總會玩樂，而以我一向嘅習慣，都係先攞咗房，至去酒店嘅夜總會玩。不過由於當日我哋去嘅係新場，唔知質素係點，便決定先去夜總會揀女，然後至叫媽咪幫手攞房。入房坐低，媽咪就帶班囡囡入嚟。見到班囡囡個個都相當高質，即刻拉佢坐低，而見到大家都揀到心頭好，梗係圍埋玩餐飽，順便叫媽咪幫我哋同酒店攞房。
玩咗幾粒鐘，埋單上房！房內激戰唔多講，第二朝嚟多個晨操先至放佢走，爽！然後我哋就落酒店前台Check Out走人，而循例喺埋單前，酒店都會查吓間房物品齊唔齊。等咗一陣，經理突然同我講，話我整污糟咗張床！無啦啦張床點會污糟咗？我就同經理上去睇，見床單中央果然有撻啡色嘅污漬！經理話要畀三百人仔洗床單費，我梗係唔制，又唔係我整污糟！點知經理話交房畀我哋前冇污糟，責任要我孭，而嘈得幾嘈，經理話畀五十就得，結果畀多五草走人！下次入房前，一定要睇清楚張床係咪企理至得，費事激親自己！
撰文：大軍