撰文：刮王

素人參賽

曼谷酒吧最近經常搞呢一類活動，特別係酒吧之類，但係要事先聲明，參加嘅都唔係小姐，大家都係想鬥吓靚，希望可以贏出有名有利。好似呢個由酒吧舉辦嘅活動咁，參加者都係着吓三點式，行上台騷吓自己哥利，總之贏到獎嘅話，咁你就有運行。刮王講嘅相信大家都明，呢一類酒吧唔係夜場，入面無小姐，但係搞呢一類活動，台下都係想出嚟搵食嘅人，咁即係話台上嘅小姐們未必係長時間出嚟做，而係希望可以藉着機會，可以識到個有分量嘅人照顧吓自己，如果可以釣到條大魚的話，咁就真係一世無憂。

收入可觀

刮王見到呢一類參加嘅小姐，有部分真係年輕貌美，同佢哋傾過有部分其實係OL，講到尾都係希望可以喺度搵到食，但又唔想去夜場做小姐，其中一位小姐話，有朋友試過畀人照顧一個月，收入都可以有成五十萬銖，咁即係有成十萬港元，咁當然啦，呢個月入面人哋叫你做乜，咁你都要做啦！