裙下臣：每次見到女友着迷你裙，都會有種難以言喻嘅衝動，想一手扯起佢條裙，然後將佢就地正法，但我驚咁做會令女友反感。查實女友着成咁，係咪暗示我應該有所行動呢？
真道學：老友你係咪睇得AV多，經常慾火焚身，搞到只係睇到女友條裙，就已經頂唔順？女友着裙未必係想勾引你，我勸你都係睇少啲AV，唔使個腦成日充滿性幻想。
小天使：我諗你女友身材一定好正，着起迷你裙先至會令你如此衝動。既然你對迷你裙有咁嘅癖好，就地正法就咪制，不如直接叫你女友着住條裙同你曳曳，應該冇問題嘅。
老油條：如果你真係將女友就地正法嘅話，我敢寫包單，佢一定會即刻摑你一巴，跟住可能鬧分手添！故此，我勸你都係咪制，費事嚇走女友啦！
淫羊霍：我覺得有咁嘅反應都好正常，如果對女友冇性趣嘅話，你都唔會同佢喺埋一齊。不過就地正法就唔好喇，性衝動嘅時候，即刻同女友去酒店開房好過啦！