第一招分散注意力

早喺先秦典籍《天下至道談》中，就講過房中術中有七損八益，而當中更有可治「洩」嘅招式，而喺清朝著名醫籍《沈氏尊生書》中，更詳細記載咗「未交即洩或乍交即洩」嘅病情，當然書中提及唔少治療嘅方法，而當中不乏房中術嘅方法，現介紹其中最常見嘅三招，同大家分享一下。

第一招就係分散注意力，其實現代性心理學家都係咁教早洩患者，就係行房時，心裏諗住啲其他嘢，讓心理冇咁刺激，而古代房中術就建議男士手握玉珠或者丹藥，令其注意力分散，減低刺激感覺，於是可以延遲射精時間，而默數「九淺一深」，據專家推斷，亦有分散注意力嘅效果。

第二招氣血返丹田

第二招就係抑陰提氣，當有射精衝動時，用手指輕扼陰莖近陰囊部分，而且同時長長吐氣，呢招其實同現代性心理學大同小異，就係當快要射精時將陰莖抽出，然後作深呼吸，等到刺激感消失再繼續進行，而房中術中就會加埋提肛閉氣，令精氣歸元，但唔係要忍住射精，而係喺衝動之前就要做，時間掌握好重要。

第三招運氣動陰

最後一招就係運氣動陰，呢招唔係喺床上去練，而係喺平日多做按摩腹部、腰部，而且多做提肛閉氣嘅動作，做完後要感覺到血氣衝回丹田嘅，日子有功，當喺床上有射精嘅反應前，手按腰部或者腹部，同時提肛閉氣，血氣就會自然返回丹田，減低刺激感覺。但如果情況嚴重，當然記住去睇醫生，接受治療啦！

撰文：賢