日本AV男優一向冇乜地位，冇人冇物，其實同「老臨」差唔多，但「老臨」都要爭取權益，於是喺幾年前，有人發起組織「男優友之會」。呢個會就係維繫一眾AV男優，等佢哋可以團結起嚟向業界爭取更多權益，本來係一件好事，但業界嘅大哥怕佢哋勢力過大，於是紛紛喺自己嘅公司旗下，都組織一個「男優友之會」。
公開招會員
大型製作公司搞嘅「友之會」，美其名話保護自己旗下嘅男優，但實際變相成為男優嘅Fan Club，不定期安排節目，讓粉絲們可以一睹男優嘅風采，好似好為男優着想，但其實咁樣做，目的係令大公司嘅男優，唔可以同出面嘅男優建立關係，於是男優們只能乖乖聽命公司嘅安排。
而且呢啲「男優友之會」佢哋仲會公開招募會員，話就話係粉絲，但只要體檢合格，對個會有一定貢獻，日後公司製作嘅電影用到肉汁男嘅話，就會優先搵會員參與，對碟迷嚟講可以現場感受氣氛，絕對吸引。
驗身做後備
就以Moodyz為例，佢哋嘅「友之會」只要年滿18歲，唔怕喺AV片中亮相，就可以參加，而且只要去指定醫院，話係Moodyz介紹嚟嘅，佢哋就會自動同你檢查身體，如果驗身合格，冇病冇痛，咁仲可以免費入會添，所以吸引咗唔少宅男參加。
此舉除咗控制男優，唔好等佢哋有非分之想外，仲可以向佢哋表示，公司有大量後備力量，搞搞震嘅話公司唔會有面畀，所以男優們惟有繼續忍受唔合理嘅對待，同埋唔參加其他「友之會」，於是自發組成嘅「男優友之會」就變得更加有名無實。
撰文：小德