怪誕客人

話說早幾日收到阿紅（化名）嘅電郵，自稱喺深圳南山區一間夜總會工作，佢表示近日店內出現咗一位奇怪嘅客人，呢位仁兄每次嚟玩都唔會同囡囡出街，只會揀一個女仔陪飲酒食飯。聽落真係幾奇怪喎！難道淨係搵囡囡陪吓齋傾偈？

經過詳細了解後，發現呢個世間上的確有呢亭咁另類蒲友，實在令人嘖嘖稱奇。據阿紅所講，呢位客人係一個身形肥胖嘅西裝友，對囡囡冇乜特別要求，不論高矮肥瘦、有冇身材都無任歡迎，但係最奇怪係每次都會向經理千叮萬囑，叫佢問清楚囡囡食咗飯未。

千元貼士

有次，阿紅好奇咁從玻璃門望入去，竟見到呢個怪客一直都同囡囡保持距離，好似怕佢有病咁款，冇幾耐就見到有人拎住兩大袋外賣入去，果然呢個男人嚟玩嘅目的只係搵囡囡陪自己食飯。

此外，阿紅亦曾經就呢件事問過幾位囡囡，佢哋表示呢個怪客近幾個月都有嚟玩，不過淨係上嚟搵女仔陪食飯傾偈，最奇怪就係佢竟然唔會掂身邊嘅囡囡，有女仔曾想主動送暖，甚至願意即場為佢作口舌服務，但通常都會畀呢位男士拒絕，最多只會錫吓嘴仔。若然囡囡以為可以色誘佢嘅話，對方肯定會發脾氣叫經理換女，實在令人摸不着頭腦。

雖然行徑有啲怪異，但阿紅又話成班囡囡知道佢嚟玩時，都會好似中咗六合彩咁興奮，事關呢位西裝友出手闊綽，每次都會畀一大舊貼士，最高紀錄為數千元。老實講，雖然呢個世界乜嘢人都有，之不過既然有米落夜總會搵女食飯，倒不如溝條女陪自己咪仲實際。

撰文：娟娟