冇晒偶像

今日就搵嚟AV片專家洪哥，分析吓呢間公司嘅情況。洪哥話：「呢間公司實力雄厚，但09年嘅發新片數量，明顯比08年少咗好多，可能真係巿場嘅因素，但少咗好多星級女優，亦都係一個原因。例如石原莉奈就引退咗，而石川玲華就做咗個體戶。」

而人氣女優明日花綺羅就被人高價撬走，可以賣到錢嘅女優真係買少見少，所以穩健啲出少啲碟都係意料中事，但洪哥話有一樣唔明：「啲女優轉嚟轉去，早已經係AV界常見嘅現象，但過往一雞死，一雞鳴，自然有新血補充，偏偏今年就冇。喺09年裏面，呢間公司都不斷推出新女優，但就算出盡法寶，都係唔掂嘅居多，偶然有一兩個彈起，好似櫻木凜、卯月麻衣、椎名由奈等，但半年唔夠就走人，唯獨伊東遙一人，撐足成年，更成為呢間公司嘅唯一台柱。」

雙頭馬車

伊東遙係人靚身材好，但好可惜仲未到達星級位置，力保自己成績仲可以，但要佢帶啲新師妹上位，就仲未夠力，難怪啲新囡囡咁難彈起，就係欠咗個領軍嘅人馬，要發圍就只有靠個人實力，而有實力嘅新人，就有一位喺七月加入嘅藤崎里緒。呢位囡囡總算質素不俗，可以力保不被淘汰，洪哥話：「以我推斷，呢間公司2010年就應該以伊東遙同埋藤崎里緒兩個雙頭馬車咁前進，力捧佢哋為超級偶像，期間再揀選一啲新人，令團隊壯大一啲，咁至唔會畀人淘汰，否則就執硬。」

撰文：小德