色誘對手

現於澳門中×城夜總會工作嘅佳佳，自兩年前接觸桌球之後，從此一打上癮，再加上佢本身有啲天分，不但好快上手，更相當有技術，成班姊妹都冇人夠佢Fight，堪稱夜場界嘅桌球天后。閒時佢仲會約埋男友去打波，雖然係友誼性質居多，但佢依然全力以赴，使出各種高超技術，打到對手體無完膚。

除此之外，佳佳仲話有一樣絕招可以令對手頻頻失誤。佢話：「平時同男友篤波嗰陣，我都會着得特別性感，好似低胸裝或短裙咁，當輪到男友時，我就會企喺佢對面位置，然後烏低身，故意走光，男友睇見衫領內嘅春光，自然唔能夠集中精神篤波啦！」雖然明知索女出茅招，但呢種激凸誘惑，確實好難抵受得住！

床上獎勵

聽講索女不時約男友篤波，唔知會有乜嘢玩法呢？佳佳就話：「經常打友誼波，難免令男友覺得冇癮，為咗提升刺激程度，於是我諗出以身體去做籌碼，若然男友贏咗嘅話，我就會陪佢一晚，仲要點玩都得。」

聽落確實非常吸引，之不過索女咁好波，同時又鍾意色誘對手，咁好難贏o架喎！「都唔係o架！若然遇着一啲心儀嘅男士，我就會故意失手，讓對方頻頻得分，再贏埋比賽，加上有我做獎勵，肯定會非常高興，心情好，狀態都好啲，做愛嗰陣都零舍醒神o架！」原來搞咁多花臣都係為咗上床嗰陣玩得開心啲，佳佳呢鋪真係用心良苦囉。

佳佳小檔

年齡：21歲

三圍：35、25、34

興趣：桌球

撰文：娟娟

攝影：強