財運不絕

原來相學裏面，冇話胸大嘅囡囡就會特別蠢，所以胸部大小與聰明才智係冇直接嘅關係。相反，胸大嘅囡囡，原來相書講佢哋嘅財運會特別好，金錢運不錯，係生財有道嘅命格，而且代表活力充沛，身體健康，異性緣極強，婚後仲係個賢妻良母。

異性緣特別強相信都唔使點解釋，胸大嘅囡囡最會吸引男士嘅視線，就算樣子平平都好，只要擁有一對豪乳，都會獲得男士嘅特別關照，至於點解財運好，除咗因為人緣好，多人幫忙支持之外，胸大嘅人本身心胸廣闊，光明磊落，深得朋友歡迎。而且兩乳相隔距離較闊嘅女士，工作大多勤奮認真，有時會粗心大意一點，但都係屬於實幹型，唔會偷雞摸狗，而且穩打穩紮，仲會有長遠嘅眼光。如果心口有粒痣嘅就更加厲害，胸懷大志，往往可以幫公司攀上高峰，但自己做老闆就會冇咁好。

賢妻良母

乳腺發育正常，人嘅情緒會比較穩定，脾胃功能都會唔錯，經常食到好嘢，兼全部吸收。乳房飽滿，更係一個好媽媽基本要求，佢哋照顧小朋友時特別細心，令小朋友零舍安心，所以從小就會愛錫媽媽，到晚年更可以享到兒孫嘅福氣。

相反胸部細小，或者略為平坦嘅女性，身體一般體質較差，異性緣薄，做事會欠膽識，只會腳踏實地咁做嘢，所以相比下，胸部大嘅好處多好多，但只宜天生豪乳，後天僭建嘅係唔算數，頂多加添自信，對運程冇太大幫助，姊妹們！收到未呀？

撰文：小德