27/11/2009

播放本新聞相關短片

大軍手記:自討沒趣

有老友經常自誇係床上持久王,每次激戰時都成半個鐘先至爆發,搞到佢經常去嘅主場嘅囡囡見到佢時,就好似見鬼咁雞飛狗走。老友以為咁樣好威,仲話好得戚咁話:「佢哋喺背後話我係性超人,你話勁唔勁!」見到老友懶自滿咁,真係戥佢有啲擔心。事關人哋打開門做生意,除咗希望「客」如輪轉之餘,最希望客人快啲「交貨」,咁先至可以做多啲生意,而囡囡副偈又唔使超負荷。

雖然老友口中話明白,但仍然為超人之名沾沾自喜。點知早幾日收到老友電話,佢勁沮喪咁同我講:「主場度嚟咗個新女,話係初下海,於是諗住試吓。點知佢竟然玩『收音機』,唔使一陣就畀佢夾爆。咁冇品,以後都唔去嗰度玩!」老實講,好多囡囡都識得「收音機」,只係睇佢哋想唔想用。主場囡囡見佢係熟客,為咗留客遷就吓你,而新女同你冇交情,唔知自己會喺度幾耐,又聽到係持久王,梗係自保為上,令客人快啲升空亦係人之常情。咪以為自己真係超人,要為人設想至得架!

撰文:大軍