我大軍最近親身目睹一單搶劫案，真係要同大家分享吓。話說我老友細良有個老相好喺長安，因為嚴打，所以冇工開，於是叫細良上去聚吓舊。細良怕一個人上去有乜損失，於是拉埋我去，當日佢個舊相好仲介紹咗個姊妹畀我做伴。
嗰晚大家先唱K，之後再各自返房開餐。第二朝一起身，細良話正同舊相好飲早茶，叫我哋落埋去歎茶，於是就同個囡囡派彩，畀咗八舊，佢數都冇數就塞入荷包，跟住翹住我手臂落去飲茶，飲完茶出酒樓，就有幾架摩托開埋嚟問我哋去邊，我哋當然去車站走人，點知細良呢個時候至派彩畀佢個舊相好。
當舊相好將錢放入手袋，突然間細良身邊嗰架摩托個司機一個唔該，就搶咗舊相好嘅手袋絕塵而去。當意識要追嘅時候，架車已經不知所終，細良惟有再派彩，所以呼籲大家，錢銀嘅嘢真係唔可以露眼，而且咪以為摩托佬係好人，總之上去玩乜都要小心。
撰文：大軍