姬絲一叮：大家都知道安全性行為嘅重要，而我每次同男友做愛時，佢都會戴套，之不過識用唔識買，經常要我落街買套，真係好麻煩！何況我係女仔，點都會覺得尷尬嘛！各位網友，到底點樣先可以令男友肯落街買套呀？
小肥然：解決方法好簡單，佢一日唔係肯去買套嘅話，你咪唔好同佢做囉！睇吓邊個頂唔順先。若然你男友寧願唔做，建議你最好飛咗佢，搵另一個好過喇！
長腳豪：有冇搞錯！買套咁小事都唔肯，點做男人呀！照我估計，你男友肯定係一個超級大男人，因為怕尷尬、怕冇面，所以先至唔肯落街買套。咁都頂得順佢，真係服咗你喇！
貓貓小娟：大家都係女仔，我絕對明白你嘅心情，不如你搵日平心靜氣咁同佢講清楚佢，等佢知道你嘅想法。如果佢都唔肯自己去買嘅話，真係冇辦法，惟有認命囉！