我長腳豪以為自己係溝女王，點知上得山多終遇虎。話說早幾日我一個人去飲酒，期間遇到一個索女叫露茜，佢見到我嗰對美國名廠限量版波鞋時，顯得非常雀躍，難怪佢咁嘅反應，事關呢對波鞋係我出國公幹時，一位大公司老闆送畀我，全球只有兩對，真係有錢都未必買到架！
我哋因為呢對波鞋而打開話題，相當投契，飲到酒吧打烊先離開。步出門口，露茜突然對住我拉低衫領嗌熱，想搵地方沖個涼，睇見佢心口出現一條深坑，我即時有所反應，於是拿拿臨搵間時鐘酒店落腳。
上到房，露茜即主動撩我打茄輪，認真熱情，之後佢幫我脫光衫褲，仲叫我入去浴室先，佢跟住入嚟。點知隔咗一陣，見外面冇乜聲氣，心知不妙，衝出去睇吓，呢個女人已經失去蹤影，立即檢查財物，發現電話同錢包都喺度，只係嗰對「美國名廠限量版波鞋」唔見咗，呢鋪真係老貓燒鬚！
撰文：娟娟