爆乳女戰士向來深得日本動畫迷歡心，故此不少動畫中，經常可以出現戰鬥力非凡，而身材更係相當激凸嘅女角色，好似呢部人氣動漫《Blassreiter》，就係其中嘅一款。作品中爆衫、露底、露點等嘅香艷畫面充斥外，女主角阿曼達嘅身材更係勁正！
故事講述喺未來世界嘅德國，突然出現死屍翻生，並以惡魔形態襲擊人類嘅事件，其後更有人受到感染，可以自由變身成惡魔。為咗可以抗衡佢哋，有人便決定以惡魔剋制惡魔，讓同樣有惡魔之血嘅變種人互相搏殺。
今次介紹嘅呢個作品，就係故事中嘅女主角阿曼達。模型不但保留原作激凸嘅造型、性感嘅戰鬥服，更係讓阿曼達露出大半個北半球及美股。與此同時，手持雙槍嘅動作，卻讓阿曼達平添一份英氣，提升觀賞性！
全高：280mm
原型製作：藤浦冬威
售價：12,390日圓（約港幣1,080）
發售日期：2010年4月
撰文：阿豪