吸客八萬

較早前，廣州搞咗一個大型性文化節，展出大量情趣用品以及表演之外，有日本AV女優參與。據官方消息聲稱，是次活動吸引超過十萬人入場支持！事實上，類似活動喺外國都有好多，就好似由前日至今日喺倫敦舉辦嘅色情秀（Erotica Show），過往每年都成功吸客超過八萬名，當中大部分都係來自世界各地嘅遊客！不過最搵到錢，就要數到色情秀裏面嘅各種情趣用品以及四仔攤位喇！因為，攤位嘅負責人一定會將至新至正嘅產品展銷，參加人士有咩辦法唔大破慳囊呢！

勝在多女

能夠吸引咁多人入場，色情秀當然唔只得情趣用品同四仔咁簡單！所以，場內每個攤位幾乎都會搵來身材火辣嘅索女擔任推銷員，以美色引誘參加者落搭，購買其產品！係咁都未算，事關場內嘅大舞台不停有脫衣舞，甚至係型男索女表演嘅真人騷！包保入場人士睇到雙眼噴火！

場內其他小角落亦有不少精彩表演，例如喺家陣至興嘅鋼管舞，以高超又誘惑嘅舞姿令男士睇到如癡如醉！另外，仲嫌唔夠多索女的話都冇問題，場內銷售吹氣公仔嘅攤位經常安排旗下嘅「佳麗」參展，好多都係以一比一真人比例製成，十足真人一樣咁索！宅男們就最鍾意喇！

派對搵着數

有咁多索女在場，相信好多男士都希望一親其香澤，其實機會大把，因為在場推銷嘅索女唔介意大家上前嚟一個親密合照。除此之外，玩得意猶未盡嘅朋友，散場嘅時候一定唔捨得走！呢個完全唔係問題，因為大會於每日散場之後都會安排派對，仲請來四仔女星陪客人飲吓酒跳吓舞，到時大家飲得醉醉哋，而大家又氹得對方開心，話唔定有下文都未定架！

撰文：賢