我大軍身邊嘅戰友逢周末北上沖涼揼骨係例行公事，所以對於桑拿消息可謂瞭如指掌，最近有位玩家就話深圳有間邪骨場專「恰」港客，人客入到去，消費唔夠額又或揀唔到囡囡玩「淨水」，出門隨時畀人揼一身！
話說有玩家因時近糧尾，想話慳慳哋試吓新性地，去到一間細場，對硬件都冇乜要求，但嗰手囡囡質素，就算蒙頭入閘都接受唔到，經理出盡三寸不爛舌都推唔郁玩家，最後玩家食個最經濟「洗雀」套餐，埋單百五仲冇畀貼士。
玩家話感覺到由經理直到門口企堂，都對佢眼超超好唔順氣，結果出門行唔夠五十米就畀人從後兜頭揼咗幾嘢，玩家痛到趴地，對方仲要踩兩腳至走。有冤無路訴，玩家上網討論發現不少人都有類似情況，雖然冇公開場名，但過程及手法都非常類似。奉勸各位，想試新場最好就唔好一支公去試，真係要試都問清楚至好去，話晒邪骨，唔通同你講道理咩！
撰文：大軍