新盤應市

近月上到深圳一帶嘅髮廊街，都會見到人頭湧湧，就算天寒地凍，髮廊妹依然性感熱褲長靴出出入入，淨係睇經已夠養眼，而且可能係休息咗一輪，仲有唔少係「新盤」應市添！

至於東莞嘅情況就更誇，唔止桑拿同K場照舊營業，聽講有幾間新大場趕年底前開張。另外，聽熟路玩家表示，當地幾間老牌桑拿場再次將技師嘅制服換成透視裝，甚至超迷你比堅尼上陣，雖則此舉並唔係咩新噱頭，但夜場肯咁做，證明嚴打得把口，靠嚇而已！有經理爆料：「唓！嚇鬼啫，佢哋都係做畀啲高層睇，唔想夜場做得太張揚同時又警愓一下啲玩家而已。深圳東莞咁多夜場，假如全部熄燈，食風呀！」

雖然經理聲大大，但不少場主就表示「金魚缸」或透視裝嘅技師都係熟客先至會有機會睇。咁做亦都啱嘅，始終玩得太高調，到時又惹嚟另一場嚴打風波，最後只會得不償失。

專屈港客

至於深圳方面，周末時段人流旺到插針都唔入，有事發生屬意料之內。有消息指，有港人去髮廊街搵囡囡，上房後同囡囡言語溝通誤會，發生爭執，本來呢種情況，只要人客揼低少少錢，做雞頭都會息事寧人，但嗰次個雞頭唔止唔係勸交，一上房就「吹雞」恐嚇港客，搶晒佢身上幾千銀走。當事人梗係唔會報警啦，但事後傳咗出去，原來唔少人都話嗰帶有幾個雞頭專屈港客，熟路嘅玩家都唔會去幫襯佢，但係始終有唔少唔知情嘅新手會畀佢哋屈到。

呢件事仲有下文，依家有班激進網民話，要抵制嗰帶雞頭，等佢唔好再屈到港客，但講到尾始終係人哋地頭，咁做究竟成效有幾大呢？倒不如索性唔去玩咪仲好！

撰文：祖