小碧姬：小妹與男友同居多年，我倆早已以「老公、老婆」相稱。有日，在信箱看到男友一封信用卡帳單，打開來看，竟然發現一項為某間夜總會嘅收費，於是向男友大興問罪，佢喊晒口話第一次，更表示知錯，求我原諒佢，我究竟點做先好？
潔西嘉：我最憎男人出去偷食，實在不能原諒，要知道有第一次，就會有第二次，況且都唔知佢先前有冇呃過你，所以我覺得呢種男人根本信唔過，飛咗佢好過啦！
小茹：我覺得事出必有因，你應該先聽吓佢點解會咁做，舉個例，如果佢只係跟老闆去應酬，唔去唔得嗰種，咁咪原諒佢一次咁多囉！否則就要重新估計呢個男人嘅人格。
雞蟲良：男人會背住隻乸出去滾都一定有原因，好似性生活不夠愉快，又或者女友每次做愛都敷衍了事，呢啲情況都會令男人生起偷食念頭，建議你先自我檢討一下。