無名:我喺東莞識到件髮廊妹，佢樣靚身材好，床上功夫仲冇得頂，佢話好冧我，同我過夜仲唔收我錢，我應該點做好呢？係咪叫佢做我女友，定同佢結婚好呢？
高佬全:師兄，呢啲髮廊妹玩吓就算，你要同佢過人世，真係要諗清楚呀！你試想吓有朝一日，同佢喺香港行街，原來一街都係襟兄弟，此情此景，真係比死更難受呀！
愛夫堅:我就話最緊要條女係咪真心鍾意你，如果係真嘅，而你又有感覺，咪喺埋一齊囉，怕撞到襟兄弟尷尬，咪搬去啲少港人去嘅地方住囉，最緊要就係兩情相悅啫。
小露:師兄，未問條女之前你先要捫心自問，你有冇人才，有冇口才，有冇錢財，如果乜都冇嘅，條女仲肯跟你，咁你執到啦，但如果佢純係想搵你錢嘅，有朝一日床頭金盡，千祈咪後悔呀！