易生摩擦

好多人都鍾意喺睡房入面擺鏡子，尤其係女士們，例如梳妝枱、全身鏡等，方便化妝兼扮靚，但於風水學上，鏡子屬金，往往代表增旺一粒夫星，或增旺一粒妻星，無論增旺夫星還是妻星，同樣對婚姻帶嚟不利影響。當房內嘅鏡反映到主人床，特別係見到床頭位置，代表夫妻不和、多拗頸，甚至有第三者。講真句，兩人關係唔好，性生活都唔荒愉快，再講，經常吵吵鬧鬧，嗌交多過食飯，仲邊會有mood做愛呢？

化解方法一：

至於解決方法相當簡單，先講比較大型嘅全身鏡，最好將其隱藏起嚟，例如裝設於衣櫃門嘅內側，當有需要照鏡時就打開衣櫃，使用後關上，同時留意鏡內最好唔會反映到睡床，其好處在於唔會令鏡「露光」。

化解方法二：

其次就係梳妝枱問題，大家可以改用座枱鏡去代替，使用後收藏起嚟就可以，又或者於梳妝枱上嘅鏡加裝一塊簾以作遮掩。

化解方法三：

仲有就係電視機，由於呢樣電器嘅屏幕有反射作用，與鏡嘅原理一樣，所以同樣會造成影響，而解決方法係喺電視機上鋪一塊布，就可以防止反射。此外，電視機屬火，如二人忌火則盡可能避免。

撰文：娟娟