何仔：早幾日同女友揸車上飛鵝山睇月光，情到濃時喺車度曳曳，感覺相當興奮，好想再試多次。點知女友卻唔係咁情願，原來佢怕畀人睇到，情願去酒店開房。點樣先至可以氹到女友上山玩多轉呢？
髮民：兄台，我勸你咪夾硬嚟。因為曳曳呢樣嘢最講Mood，如果女友唔鍾意呢個環境，就算你表現得幾咁勇悍，佢反應卻似足條死魚，咁又有乜謂呢？
阿九：喺山頂梳肝又真係幾過癮，難怪樓主會上癮。如果女友唔願意，而樓主又身痕嘅話，可以試吓喺車窗度加塊簾，咪唔怕激戰嘅時候，會畀人偷窺囉！
大力：你咪上網查吓，睇吓邊個山頭又荒涼又少人去。呢啲荒山野嶺人都冇個，就算喺車頂上交鋒，都唔怕畀人見到。不過呢期翻風，小心冷親喎！