節目豐富

據了解，「蘭桂坊嘉年華」已經係連續八年舉行，每一年均會為大家帶嚟無限驚喜同歡樂。經已是連續第八年舉行的「蘭桂坊嘉年華」，將會為您帶來無限的驚喜。從下午一時開始，人潮已開始逐漸擁至蘭桂坊，街道上每個角落都洋溢着歡樂嘅氣氛，音樂聲及歡笑聲更於每個街角此起彼落。

於蘭桂坊四個不同位置上，分別搭建小型舞台，嘉年華期間每日都會呈獻過百場互動遊戲及娛樂表演，包括樂隊及歌手嘅現場演出、舞蹈表演、默劇演出、魔術表演、雜耍、變臉等。喺欣賞精彩表演節目之餘，大家又可以參加傳統歐洲嘉年華遊戲，例如釣鴨子、幸運輪、擲鐵罐、套樽遊戲等，夠晒緊張刺激。

活動中仲有雜耍表演，功架十足。	呢班外籍人士都話嘉年華勁好玩。	為咗奪得勁食大賽嘅冠軍，一眾女士都暫時放低儀態。

盡情跳舞

講到嘉年華另一個焦點，莫過於每天兩次嘅大型巡遊，由森巴熱舞女郎、非洲鼓樂手、爵士樂隊、小丑及法式雜耍藝人等組成隊伍，更走進人群中作互動演出，當六位身穿性感舞衣嘅森巴女郎於街頭出現，即時吸引逾百男女前往圍觀，將現場逼至水洩不通，睇見自己咁歡迎，呢班索女都相當識做，立刻跟隨音樂舞動起嚟，盡情扭動身體，令節日歡樂氣氛推至高潮，大家都睇得情緒高漲、熱血沸騰，相機閃光燈更係閃個不停。有外籍觀眾表示，剛從落機就嚟蘭桂坊玩，咁啱遇着森巴女郎於街頭跳舞表演，覺得非常興奮，事關佢終於可以同森巴女郎近距離欣賞佢哋，當然唔少得影番張合照啦！

撰文：娟娟