好多情趣玩具用家都嫌時下震蛋冇料到，一來因為震蛋用料唔足，拎起手已覺得輕飄飄，二來震蛋嘅震動頻率唔夠強，用按摩器好過用佢。不過，今次為大家介紹呢隻重金屬味道震動器就一定有料到喇！
呢隻叫做「Rock Off」嘅震蛋好有重金屬味道，雖然用料並唔係金屬，但係所用嘅膠料都係實淨又夠墜手，所以手感唔錯。不過，佢最強嘅地方，就係個樣細細支，但係居然可以發出五種不同震動頻率！要持續強勁震動又得，要不規則震動亦得！而且仲有防水設計，帶入浴室增強鴛鴦戲水嘅樂趣都一樣冇問題。另外，生產商仲聲稱，震蛋四吋半嘅長度剛剛好，放入女性重要部分嘅時候正好一矢中的，點正其G點，可以令女用家盡情享受，聽落都幾勁喎！
售價：32.95美元（約255.4港元）
撰文：娟娟