我大軍每次北上尋歡，都喜歡單嫖獨賭，因為唔使麻煩，但由於人面太廣，去到邊都會遇到朋友，喺朋友盛意拳拳下，最後都會同大伙兒一齊玩。但我最怕一件事，就係同啲有錢嘅朋友一齊玩，事關一對比下，經常畀啲媽咪經理睇唔起。好似前兩日喺常平咁啱撞到個老同學，佢正要帶班台灣客去夜總會玩，佢知我識途老馬，於是就叫埋我一齊去，難得老同學叫到，就一齊去咗間夜店，當大家點囡囡時，每個台灣客都左擁右抱，連我同學都唔例外，於是我都同媽咪講要起個孖。
但呢個媽咪認真唔識做，佢話有個咪算囉，要兩個囡囡咪以為唔使錢呀？聽見後即時興過辣雞，佢咁講即係當我係乜呀？我一望身邊嘅同學以及台灣客，個個都大老闆咁嘅樣，而自己就牛記笠記，即刻意識到媽咪當咗我係打工仔，甚至係老闆跟班。我即時叫媽咪帶啲囡囡走，仲話呢個媽咪嗰組女一個都唔要，媽咪愕然，奇怪點解呢個跟班咁惡，後來識得我嘅經理入嚟，馬上同我道歉，仲捉媽咪照肺，事後個媽咪馬上變晒面口，仲送乜送物，畀足面子我，事後心諗，都係怪自己生得樣衰。
撰文：大軍