上唇厚重感情

人嘅一張嘴，睇落好似冇咩實際功能，但係根據科學家研究，原來嘴唇有散熱功能，所以生長於非洲一類熱辣辣地方嘅人種，雙唇相對較厚。然而，女士嘅烈燄紅唇亦可以令男人視覺上得到刺激，挑起上床衝動！不過，男女之間嘅溝通唔一定為咗性，好多時都要感情交流，但係家陣好多男人都話港女最為拜金，揀男友好似揀水魚一樣，以對方嘅身家掛帥，當呢條水魚被挖盡錢財之外，又會換第二條水魚，絕對唔會同前度水魚講感情，實在令人失望！

如果大家唔想搵到拜金女做女友，咁就不妨喺揀女友之前，觀察一下對方嘅嘴唇喇！如果呢個女仔上唇夠厚的話，顯示佢重感情，對人有情有義！甘心為所愛嘅男人付出一切，聚老婆就最好揀呢種喇！

下唇厚重情慾

相反，上唇薄，就足以話畀大家知呢個女仔薄情，當你再冇利用價值嘅時候就會將你一腳踢開，嫌你阻住佢發達。當然，若果你遇到有咩困難，就梗係唔使旨意佢念舊情幫助你喇！

另外，女仔下唇亦係值得觀察嘅重地，因為下唇嘅厚薄可以反映出一個女仔嘅性嘅需求。如果下唇係薄的話，表示佢哋對性唔主動，甚至係冷感，上到床勉強只會叫多兩聲，扮個緊張表情都嫌浪費氣力！若然下唇夠厚的話，呢種多少都屬於淫相，對性事非常渴求，態度主動之餘，同時亦有相當多精力進行激戰！一定要小心應付！一個上下嘴唇都一樣咁厚嘅女仔，重情義又重情慾，既對男人死心塌地，又熱衷性事，絕對係搶手貨！

撰文：賢