撰文：祖

早上膝痛做愛無力

呢位男士話自稱四十一歲，近兩個月來發現經常膝痛，尤其係早上，一起床就雙膝僵硬，無論妻子如何挑逗，抑或佢自己想做愛，想要移動身子，亦覺得十分之困難。除此之外，在僵硬的地方，摸落有一塊狀東西，亦不知為何如此？去看跌打，醫生話佢係關節發炎，搽啲藥酒，效果都並唔顯著，所以「有心無力」相當煩惱。

類風濕關節炎

就「有心無力」男所述情況，有可能係中醫所說的「類風濕關節炎」，基本係一種與自身免疫有關的反應，而「起塊」的部位，多半係類風濕關節炎常見的結節。

其實遇到呢種情況，應該作詳細檢查，如果「血清檢驗」類風濕因子呈陽性，確證「骨膜」變形，就係此症。如果病情不嚴重，吃些亞士匹靈也能改善，但仍以醫生指導用藥為好。秋天時候，如能飲酒，症狀較輕者可選用藥性溫和的木瓜酒。養血愈風酒等；如風濕多年，半身不遂者則可選用藥性較猛的蟒蛇藥酒、三蛇酒、五蛇酒等。除治療外還可暖身。但患肝炎、心衰、癲癇、腎功能不全、高血壓、消化道潰瘍、肝硬化及對酒過敏的人不宜服用藥酒。