撰文：賢

重溫舊夢

近年好多年輕男女興起玩角色扮演，即係將自己打扮到同自己心愛嘅動漫角色一模一樣，而戲服一般都係自己落手落腳造，將自己對動漫角色嘅熱愛表現得極至。其實角色扮演係由日本傳入香港，走到秋葉原街頭，大家就可以見到有好多美少女玩，有純情又有性感，男士去到一定大飽眼福喇！

時至今日，由於成長時期不同，啲年輕人扮嘅角色我哋一個都唔識，但係美少女戰士當年紅極一時，相信各位朋友未睇過都應該認得出裏面嘅角色。而日本就有一間風俗店玩時光倒流，將美少女戰士設定為主題，搵嚟好多專業風俗娘扮成《美少女戰士》入面嘅月野兔，又或者係火野麗等等，希望令二十到尾至三十幾歲嘅男士重溫兒時舊夢！可以真正挑戰一下美少女戰士！

先強後弱

美少女戰士風俗店同一般風俗店都係差不多，一樣係入到去揀女，又或者從其網頁揀女，然後再打電話預約時間及地點。收費方面，服務三十分鐘就需要六千日圓，約為五百一十幾港元，如果要指定邊個囡囡就要加多二千日圓指名料（料即費用咁解）。

揀好心水嘅美少女戰士之後，客人就可以同風俗娘上房慢慢玩，不過當然唔係即刻埋牙啦！因為呢間風俗店嘅主打為鋤強扶弱嘅美少女戰士，梗係要表演一下功架啦！所以美少女一入房就會講一系列經典對白，例如係「我要替月行道，儆惡懲奸！」令客人覺得自己置身於動畫當中，然後美少女就會扮打擊敵人，即係打擊客人，當然，美少女梗係唔會真打，只係輕輕掂一掂！如果客人夠入戲的話，就可以做相應動作，隔空對打一輪，然後再撲上前將美少女戰士征服！感覺一定相當刺激！