肥肉然:我見到家陣好多年輕人身邊嘅女友經常換畫，而且仲係同朋友交換女友，我見到真係覺得眼冤，有咩理由同自己兄弟耕埋同一塊田，咁同勾義嫂有咩分別？
尾華妹:我就覺得冇咩問題，合則來，不合則去，其實大家多嘗試不同玩伴都唔係壞事，至少可以畀自己多啲機會搵到合適對象，唔使到結咗婚先嚟後悔。
靚仔祖:正所謂夫妻如衣服，有得換點都好過冇得換，不過，首要條件係，希望女方唔好比較我同朋友嘅性能力，因為萬一知道朋友勁過我，以後朋友之間產生芥蒂。
才女珍:同前男友嘅朋友拍拖我接受唔到，因為對方一定同前男友有聯絡，有聚會嘅時候，實有機會遇到前男友，我就最怕呢種面左左嘅場面喇！