好多女仔見到大隻佬就會嗒晒糖，好似身邊一位五呎七吋嘅姊妹咁，每次出去溝仔，總會選擇一啲大大隻又滿身肌肉嘅男人，而身材比較瘦削嘅男人，就算幾靚仔，佢都唔會望多一眼。問到姊妹點解對大隻佬情有獨鍾，原來佢覺得呢類男人滿身肌肉夠吸引，而且上床時零舍有滿足感。對於姊妹嘅講法，我就有不同嘅見解。
唔少男人都有鋪健身癮，有啲人更會食埋啲大隻奶粉或增脂食品，跟住仲要去健身室狂谷。
無可否認，男人擁有結實嘅身形，就好似女人擁有玲瓏體態一樣，不但可以提升自信，更容易吸引異性注意，甚至令對方產生性幻想。此外，亦係唔少女性擇偶嘅條件之一，至少拍拖出街都零舍有安全感，唔打得都睇得嘛！
雖然大隻佬身上有唔少優點，但呢類男人始終唔係我杯茶。原因係我嘅身形非常嬌小（身高唔夠五呎），對住個大隻佬時，反而覺得好有壓迫感，尤其係做愛嗰陣，試過同一個健身教練交手，全程都好似畀大石壓住咁，加上佢本身有啲躁狂，毫無留情瘋狂衝刺，做完之後，感覺上好似畀人打完一身咁，簡直係噩夢。從此，我就冇再同呢啲大隻佬拍拖。
撰文：娟娟