網絡世界廣闊無邊，幾乎任何資訊都可以從網上搵到，當中除咗有實用性質嘅資訊，仲有好多笑到甩牙嘅訊息。較早前內地網友「落魄書生」就於自己嘅Blog度發表咗一則關於學園招聘廣告嘅大笑話。
一般內地學校為咗幫助學生就業，都會非常熱心咁為學生搵工，有部分仲會將招聘廣告刊登到學校網頁，等學生可以細心選擇，而落魄書生發現西安翻譯學院嘅就業信息網上面，公然貼出一份關於西安某高級夜總會招聘小姐嘅告示，當中寫住「急聘酒店公關數名，年齡24歲以下，形象氣質佳，思想開放，勇於挑戰，高薪，月薪一萬至二萬」，如果係貼上夜總會招聘翻譯員廣告都不足為奇，但係家陣擺明係請公關小姐，而校方仲夠膽貼告示上就業信息網，係咪即係想叫自己嘅學生做公關小姐先？
撰文：賢