但不幸嘅事終於發生喺我身上，早排男友占士識咗第二個女人，於是話要同我分手。當時我無太大反應，亦無傷心失戀嘅感覺，因為話晒只係同佢拍拖半年。雖然分手已成定局，但女人係自私嘅動物，見到過氣男友拖住新歡，唔多唔少都會覺得難受。突然間，腦中生起一個念頭，無理由喺我未有新對手之前，畀嗰個賤人風流快活？

於是我決定向佢展開報復行動。首先我以一個全新形象示人，每次跟過氣男友見面都會打扮得花枝招展，務求令佢有眼前一亮嘅感覺。我仲會保持忽冷忽熱嘅態度，即係有時主動關心，有時表現冷漠，實在搞到佢唔知點樣對住我先好。此外，男人天生鹹濕，所以我間中又要畀啲甜點佢，好似攬攬錫錫，但唔會上床，俗語話「得不到的葡萄是酸的」，搞到占士覺得我好正，甚至比自己嘅新歡更好，卒之有日佢忍唔住要求同我翻撻，我同佢去咗酒店開房，展開一場激烈前奏，但到埋牙之際就一腳伸開佢，仲着衫走人。喺過程中我更用手機拍低所有情慾場面，之後梗係Send埋畀佢依家個女朋友睇啦，哈哈！

撰文：娟娟