影響性生活

風水布局有好壞之分，好嘅閨房風水，可以有助改善夫妻關係，反之，就會帶嚟負面影響，例如容易因小事而嗌交，甚至不歡而散。當然，要搞好睡房嘅風水布局嘅話，確實有好多方法，大家仍不妨先從睡床位置方面入手。

一間屋有橫樑實屬正常，但如果睡床對正橫樑下方，無論係乜嘢部位，都有機會衍生好多問題，好似影響個人健康，經常頭暈、頭痛、心緒不寧等。除此之外，對於每日同床共枕嘅男女亦有好大影響，例如容易令人煩躁不安，喺無形嘅壓迫力下，實在難以投入性事之中。就算可以，仍有可能令雙方因小問題吵架，如錫得唔夠舒服或者玩得唔夠興奮等，最終將性事搞垮，最重要係，雙方經常小事化大，無端端嗌大交，關係唔好，試問點可以有愉快嘅性生活？

假天花擋橫樑

至於化解方法，可以將睡床搬離橫樑底下，若然睡床位置唔可以更改，亦可以裝設一個假天花，將橫樑遮住，問題就會迎刃而解。

另一方面，床頭位亦不宜對正門口，同樣會影響人嘅精神狀態，令情緒變得波動不穩，男女雙方容易產生摩擦，甚至反目成仇。而解決方法相當簡單，除咗改變睡床位置，亦可以索性掉轉床頭，總之唔係對正門口就得喇！

撰文：娟娟