揀內衣花心思

一個女人一絲不掛喺你面前，反而唔及若隱若現嚟得吸引。現於澳門天×夜總會工作嘅小小話：「雖然開工要着制服，之不過裏面兩件就個個唔同，為咗吸引男人，閒閒哋幾千蚊買個胸圍，雖然係就係貴啲，不過物有所值！女人戴上合適嘅胸圍之後，可以令雙峰更凸出，如果戴上一個透視嘅胸圍，就可以營造一個若隱若現嘅視覺效果。」

着黑色增運氣

一般嚟講，黑白為最多女人選擇嘅內衣褲顏色，小小就最鍾意着黑色：「事關黑色充滿神秘感，對我哋做PR嘅女仔嚟講可以增旺人氣，不但可以旺自己，就連身邊嘅男友都可能受到影響，好似有次我着咗一套黑色內衣同男友曳曳，之後一個星期，男友運氣愈嚟愈好，做乜嘢事情都順風順水。」真係信不信由你！

丁字褲最吸引

此外，小小覺得丁字褲最能引發男士性慾。「要提升男人性慾，未必一定要剝光豬；一個不經意嘅走光動作，更能引發佢哋嘅潛在獸慾，每當同男友約會時，我會刻意着上一條丁字褲，加上一條低腰褲，再故意自製走光場面畀佢睇，男人睇見我半個雪白嘅美臀，點會唔心動先得架？」到底小小嘅臀部係咪雪咁白，咁就要大家自己去考證喇！

小小小檔案

年齡：20歲

三圍：35、23、34

興趣：上網

撰文：娟娟

攝影：強