溫柔體貼

講到性格體貼嘅話，相信喺水着界打滾多年嘅長身美女吉岡美穗，絕對係一個榜樣！呢位今年廿九歲嘅靚女，除咗身材高挑外，更相當識得為人設想。話說有次佢同攝影隊到外地影寫真，點知同行嘅女助手因水土不服而病倒，佢竟然自己揸車到當地藥房買藥之餘，仲親自餵對方服藥。作為一個頂級水着女優，竟然咁抵得諗，係男人都鍾意啦！

吉岡妹笑道：「其實我又唔覺得咁算係體貼，只係覺得應該為其他人做番啲嘢啫。不過話說回來，好多同我合作過嘅攝影師同導演，都好欣賞我呢方面嘅性格，認為依家好少女優識得為人設想。」

平易近人

除咗抵得諗嘅性格得人鍾意外，平易近人嘅個性，亦相當受男士們歡迎，而水着女優西田麻衣就係其中一個。呢位今年只得廿歲嘅水着女優，原來入行已經有三年，而憑住佢出眾嘅身材及親民嘅性格，深受日本水着迷嘅歡迎。雖然西田妹人氣高企，但難得佢冇明星架子，每當有粉絲問佢攞簽名或合照時，佢都冇托手架。

西田妹就話：「有人以為我特登將自己包裝成親民，用以塑造一個平易近人嘅形象，但熟悉我嘅人都知道，喺未入行前，我嘅性格已經係咁。事關我覺得水着女優只係我嘅工作，冇理由因為工作所帶嚟嘅人氣，就以為自己與別不同。」

性格相同

兩位人氣水着女優咁抵得諗，唔怪之得咁受人歡迎，相信佢哋嘅追求者一定唔少。吉岡妹點頭道：「追求者真係唔少，但想成為我嘅男友，卻一啲都唔易。事關我認為對方一定要同我一樣，識得為人設想至得，否則只係得我一個識得諗，呢段關係就會變得唔平衡，到最後只會以分手告終。」

聽到吉岡妹咁講，西田妹就話嘞：「我都認為搵男友，一定要揀個性格同自己差唔多嘅男人至得，因為咁樣先至容易相處，尤其係對性愛方面。萬一佢只係以自己需要出發，忽略對方係咪想要嘅話，問題便會經常出現，長久落去便會非常辛苦。」

西田麻衣小檔案

出生日期：1989年3月23日

身高：158cm

三圍：35、23、32

血型：O型

興趣：睇漫畫

吉岡美穗小檔案

出生日期：1980年2月3日

身高：169cm

三圍：33、23、35

血型：O型

興趣：游泳

撰文：阿豪