自我對話

有云以不變應萬變，但係面對不斷變遷嘅外在環境，如果故步自封，冇決心去求變嘅話，好容易會因為適應唔到環境而被淘汰，而且唔變一變，成世人都係咁，好容易悶親自己啫！

講到求變，日本就有水着女優想講吓自己點樣由怕醜小女孩，搖身一變成為面對萬千Fans同傳媒都唔怯場嘅自信美女。一臉可愛笑容嘅小田瞳話：「我本身真係好怕醜o架！讀書嗰陣，都仲係一個唔多敢出聲，見到男仔就好容易面紅嘅女仔。後來，班入面嚟咗一個好有型嘅混血兒插班生，佢真係又高大又靚仔。我知道再係咁怕醜，好難得到佢嘅歡心，於是就四圍搵方法增強自信心喇！我從唔少書本入面知道，對住塊鏡自己同自己講說話係好多外國人都採用嘅方法。事實證明的確有效，不過，雖然我成功同佢傾偈，但係好快就因為佢移民走咗，所以最後都冇一齊。」

檢查身體

瞳妹又講得冇錯，較早之前有報道都話，有日本公司因為想令員工面對客人嘅時候，表現得更有自信，笑起上嚟更加親切，所以安排攝影師拍低員工最好嘅笑容，然後不時畀佢哋翻睇，希望佢哋永遠都可以保持呢個咁有自信咁得人鍾意嘅笑容。

同小田瞳一樣咁可愛嘅水着女優野田彩加就表示，一面鏡真係可以令自己更有自信，佢話：「學小田妹咁對住塊鏡講嘢，當然係增強自信嘅一個好方法啦！但係我自問同人講說話嘅時候唔會怕醜，而且覺得自己同自己講嘢好似有少少神經病咁，所以就唔會學佢喇！不過，我一樣會不時照鏡，而且仲係赤裸裸咁照，因為我覺得咁樣做，可以檢查一下自己嘅身體仲有咩缺點，例如係個胸唔夠大，就可以自己出手搓吓，一有發現就要努力做針對性運動去補救喇！」

測試手感

彩加對美嘅追求咁熱切，真係抵佢擁有一副34F、23、34嘅驕人身材，亦抵佢自上年出道以來，於日本水着界人氣急升！原來唔講唔知，小田瞳又同佢一樣會對住塊鏡作自我檢查喎！

瞳妹話：「作為一個水着女優，身材梗係愈苗條愈好啦！所以我都有同彩加一樣咁檢查身體。不過，除咗齋睇之外，我仲會用手自我撫摸一下，因為咁樣可以檢查埋身體夠唔夠彈手，如果摸落睇到有肥肉又唔夠彈性，咁就要努力改善喇！不過，呢個方法有啲唔好，就係摸摸吓好容易搞到自己慾火高燒。從鏡入面見到我自己面紅紅又露出一副欲求不滿足嘅表情，有時都會覺得好羞愧！」

撰文：賢