勝哥話：「好多夜場嘅囡囡，無論係桑拿技師，定係三陪小姐，全部返工都以便服示人，起初都唔知點解，後來捉個經理問吓，至知原來係為咗方便走鬼，萬一有人嚟查牌，就叫啲囡囡當客人。」如果囡囡招呼客人期間中伏，咁又點算呢？勝哥話：「啲經理主任早就同啲女講好晒，如果有乜嘢事，就要認做客人，而當客人揀女嘅時候，亦都同客人單聲，但真係咁唔好彩中伏，有時都可以過骨，例如喺卡拉OK玩到剝晒衫，都可以話係自己女朋友。」咁去桑拿玩又點扮呀？

勝哥話：「咪當啲經理傻，客人揀好囡囡，囡囡就會換衫，同客人着嘅一模一樣，然後就入房幫客人按摩，甚至做埋其他服務，萬一有人嚟查牌，就當客人同自己情侶情到濃時，於是借房一用。」咁做又真係畀佢哋呃晒，告唔到佢哋經營黃業。

但勝哥話咪以為冇事，咁做個場雖然冇事，但客人就可能被控破壞治安罪、喺公眾地方行為不檢，一樣可以將你帶走，所以呼籲各位北行老友，萬一中伏，千祈咪牙斬斬，同自己女友行為不檢，一樣拉得，拉返去都係要交罰款同埋寫悔過書。萬一有關方面志在要封個場，咁你嘅口供就十分關鍵，因為客人指證，就一定可以入罪，但如果你死口唔認佢哋有提供性服務，咁矛頭就會指向你，十五日拘留唔少得，所以失手被擒，一定睇清形勢，爭取坦白從寬，冇必要替夜場做替死鬼嘛！

小德