肉厚圓渾

較早前有研究報告指出，大部分男人欣賞女性嘅第一眼，通常係由胸部開始，呢個調查結果相信大部分男人都唔會否認，但係計小記話，女性仲有好多方面值得男人欣賞，大家唔好只係留意其中一個小部分，反而應該學外國男性，對於女性任何一部分都咁細心研究。就好似美國加州近年興起嘅評「股」大會咁，就專門針對索女嘅臀部嚟品味一番喇！

呢個評「股」大會叫做「Best Butt Party」，顧名思義係以開派對為主，當然有飲有食，又有得跳舞，兼且仲有女溝，但係呢個派對嘅主要賣點係請來一眾性感舞蹈員熱舞助興，佢哋除咗個個都咁靚女之外，仲有一個共通點，就係每個都擁有一個肉厚、圓渾又高高翹起嘅超級優質「股」！睇見佢哋於舞台上穿上性感熱褲勁扭美臀，真係成個人都熱辣辣呀！

天橋鬥撞

雖然有咁多索女係咁扭籮柚，一班觀眾的確係睇得好興奮，但係呢個話明係評「股」大會，淨係睇佢哋扭又點可以分得出邊個彈力最強，邊個先係真材實料呢？方法好簡單，就係要一班女舞蹈員，一邊跳辣舞，一邊用手打「股」，能夠打出清脆又響亮嘅聲音，就證明呢隻「股」夠結實夠彈手啦！不過，最抵死佢哋大玩呢種另類敲擊樂嘅時候，仲會行上大會安排嘅天橋上，先係學模特兒咁行到搖風擺柳，繼而將優質股稍微轉向觀眾再行拍打，等班觀眾聽得仔細、聽得清楚！

正所謂一山不能藏二虎，好似家陣最興嘅宮廷劇咁，咁多佳麗就梗係會生起爭鬥之心，實行勾心鬥角，所以班索女除咗打自己個「股」，仲會同其他索女鬥撞，火藥味極濃，更加令現場氣氛再一次提升！

磨爆評判

除咗打「股」激鬥之外，現場亦特設一個濕身擂台，畀班索女換上比堅尼踏入擂台，再被旁邊嘅工作人員淋到全身濕透，繼而再次進行股撞股大激鬥！雖然有水降溫，但係氣氛肯定比之前更加熱烈！講咗咁耐，好似講到台上得大會請嚟嘅一班索女舞蹈員咁，現場觀眾可能大感新鮮感不足，亦增加唔到投入感。

大家真係唔使驚，因為台下女士只要覺得自己嘅臀部同班索女一樣咁堅咁豐滿，同樣可以走上台同佢哋鬥磨鬥撞！然而，班索女咁鬥法仲未夠喉，因為佢哋不時鬥得興起，跳入觀眾群當中，一齊大跳辣身舞，更加會用個靚股向觀眾又扭又磨，誓要用肉體去磨爆觀眾，事關班觀眾正係選出終極靚股嘅評判，唔向佢哋落多幾錢肉緊又點得呀！

撰文：賢