小娟今日放學返到屋企，發現娟媽唔喺度，見佢又冇煮飯，又冇留低紙條，於是打電話畀佢，點知手機不停響，但娟媽都冇接聽，小娟開始有啲擔心，喺連打咗幾個電話之後，娟媽終於接聽嘞，小娟只聽見娟媽正同人吵架，隱約聽見娟媽大叫：「你仲好意思話我，剛才我正準備返屋企，唔係你拉住我，話有啲好嘢畀我睇，我早就返咗屋企煮飯畀我個女食啦。」小娟嘗試叫娟媽，但娟媽點都聽唔到，似乎係無意中咗接聽鍵，小娟惟有繼續靜心聆聽娟媽講乜。
娟媽：「我開始以為有乜好嘢睇，點知個衰人突然攞支嘢出嚟畀我睇，支嘢係幾長，但你阿姐乜嘢長棍未見過，你支嘢阿姐根本就睇唔上眼，之後仲喺我面前亂咁舞，係舞得幾勁，但冇厘驚喜，阿姐唔將你碌嘢拗開兩截，已經畀足面。」
小娟聽到有男人反駁：「咁你都唔使打人o架，人哋出嚟搵食，你唔睇咪走開囉，做乜要打人啫，你話人哋以後點出嚟搵食？」娟媽：「你個衰人玩吓碌嘢就想收錢，今日我唔替天行道，打醒你個人渣，我就唔係靚女。」最後傳出那男人嘅慘叫聲。
各位聰明嘅朋友，大家今日又估唔估到娟媽佢遇到乜男人呢？
選擇：
1. 露體狂
2. 賣武者
3. 癡心漢
4. 男妓王
答案：賣武者
解釋：娟媽遇上個賣武者，畀啲好嘢娟媽睇，其實就係指表演功夫，而呢位仁兄最耍家當然係齊眉棍，當佢一攞支棍出嚟，娟媽已經冇乜興趣，後嚟表演完要收錢時，娟媽唔肯畀，於是先而口角，繼而動武，所以話，娟媽絕對係個危險人物。
小德